Кыргыз-казак чек арасындагы “Ак-Тилек” өткөрүү түйүнүндө кайрадан жүк ташуучу унаалардын топтолуусу катталууда. Чек ара кызматынан билдиришкендей, Кыргызстандан коңшу өлкөгө чыгып кетүү үчүн кезекте 140 фура турса, ал эми казак тараптан биздин аймакка келчү 40 унаа турат.
Ведомстводон белгилешкендей, мындай абал күзгү сезонго карата кадимки көрүнүш, анткени, түшүм жыйналып, жүк ташуу көбөйөт.
Эки өлкөнүн тең өткөрүү түйүндөрү кадимки тартипте иштеп жатат, эч кандай чектөөлөр жок.
