Ош шаарында дагы үйлөрдү мыйзамдаштыруу иштери башталды.
Түштүк калаа мэриясынын маалыматына ылайык, учурда Жапалак айыл аймактык
башкармалыгында мыйзамсыз курулган үйлөргө техникалык паспорттор даярдалууда.
Аталган аймакта тургундар 146 гектар жерге өз алдынча 800гө жакын үй куруп алган.
Учурда ар бир айылда мобилдик топтор иштеп жатат. Турак жайларга идентификациялык
код, дарек берилет, андан кийин тургундардын каттоого турушуна жана
турак-жайларын мыйзамдаштырууга жол ачылат.
