Жалал-Абад шаарында 10 мектепте “Электрондук күндөлүк системасы” иштеп баштады.
Бул тууралуу шаардык мэриядан билдиришти. Маалыматка ылайык,
электрондук күндөлүктүн жардамы менен ата-энелер балдарынын мектепке келген
убагынан тарта сабакка катышуусун, предметтик бааларын жана
окуудагы жетишкендиктерин онлайн форматта билип турушмакчы.
Бул жаңычылдык өткөн жылдын ноябрь айынан тарта иштей баштады.
Белгилеп кетсек, “Электрондук күндөлүк” жумушчу долбоору өлкөнүн 40 мектебинде иштеп жатат.
