2021-жылы Түркияда өтө турган Дүйнөлүк көчмөндөр оюндарына даярдыктар башталды.
Дене тарбия жана спорт агенттигинин директору Канат Шабданбаев билдиргендей,
спорттун улуттук түрлөрү боюнча курама командалардын даярдыгы боюнча жыйын өттү.
Анда спортчуларды оюндарга өз убагында жана сапаттуу даярдоо маселелери каралды.
Ошондой эле Спорттун улуттук түрлөрү боюнча дирекцияга 13-ноябрга чейин федерациялар менен
биргеликте спорттук жабдууларды стандартташтырууну иштеп чыгуу тапшырылды.
