Төө-Ашууда бүгүн, эртең туман түшүп, кар жаап, жолдор тайгак болушу күтүлүүдө. Куткаруучулар эскертишкендей, Бишкек-Ош трассасына чыга турган айдоочулар рулда этият болуп, ылдамдыкты жогорулатпай, унаалар ортосундагы аралыкты сакташы керек. Ошондой эле каршы тилкелерге чыкпоо зарыл.
Жогорку Кеңеш өкмөттүн жаңы курамын бүгүн бекитет. Бул тууралуу парламенттен билдиришти. Парламенттин көпчүлүк коалициясы ушул саатта чогулуп жатат. Алдын ала маалымат боюнча, өкмөт башчылыкка учурдагы премьер министрдин милдетин аткаруучу Артем Новиков каралууда. Бирок, айрым депутаттар болжолдошкондой, жаңы конституция кабыл алынгандан кийин курам кайрадан өзгөрөт. Эске… Кененирээк…
Бишкекте волейбол боюнча эркектер арасында өлкө чемпионаты башталды. Дене тарбия жана спорт мамлекеттик агенттигинен билдиришкендей, мелдеш 1-февралдан 5ине чейин спорт ордосунда өтөт. Өлкө биринчилигине 12 команда күч сынашат. Турнир көрүүчүлөрү жок өтөт. Бардык санитардык нормалар сакталат.
Кыргызстанда коронавирустан дагы 91 адам айыгып чыкты. Республикалык штабдан билдиришкендей, айыккандар Бишкекте 47, Чүй облусунда 27, Ош облусунда 4, Ысык-Көлдө 8, Жалал-Абадда 2, Нарын, Талас жана Ош шаарында 1ден. Ушуну менен өлкө боюнча ковидди жеңип чыккандардын жалпы саны 80 миң 987ге жетти.
Казакстанда коронавируска каршы массалык түрдө эмдөө башталды. Вакцинация россиялык «Спутник V» препараты менен ыктыярдуу түрдө жүргүзүлөт. Февралдан июнь айына чейин вакцинанын 860 миң дозасы алынып келинет. Эмдөө биринчи кезекте медицина кызматкерлерине, мугалимдерге, полиция жана аскер кызматкерлерине жүргүзүлөт
Бириккен Араб Эмирлигинин бийлиги алгачкы ирет чет өлкөлүктөргө жарандык алууга уруксат берди. Мыйзамга тиешелүү өзгөртүүлөрдү киргизүү кабыл алынды. Жарандыкты өлкөнүн экономика министрлиги тарабынан кабыл алынган Эмирликтин аймагында кыймылсыз мүлккө ээ же патентке ээ болгондор жана инвесторлор ала алышат. Ошондой эле өлкө паспортуна дарыгерлер, инженерлер, окумуштуулар… Кененирээк…
Жалал-Абад шаарындагы борбордук базар көчүрүлөт. Калаа мэри Эрнис Ормоковдун айтымында, жаңы муниципалдык соода аянтын Москва жана Курманбек көчөлөр аймагында түзүү пландалууда. Калаа башчысы белгилегендей, базарды көчүрүү чарасы борбордук кыймылга тоскоолдук жаратат, андагы электр мамылары талаптарга жооп бербейт
Бишкектин айрым жерлеринде жарык өчүрүлөт. “Түндүк электр” ишканасынан билдиришкендей, бүгүн кечки саат 5ке чейин Муса Жалил, Кантемиров, Садовый, Пархоменко көчөлөрүндө, Ынтымак жана Ак-Босого конуштарында электр энергиясы жок болот. Убактылуу чектөөлөр оңдоо иштерине байланыштуу
Кыргыз-казак чек арасындагы “Ак-Жол” өткөрүү түйүнүн оңдоо иштери үстүбүздөгү жылдын 1-кварталында аякташы керек. Өкмөт аппаратынан билдиришкендей, өткөрүү түйүндү калыбына келтирүү иштери жыл жаңырганда эле жыйынтыкталмак. Бирок пандемиядан улам жумуштарды аяктоо мөөнөтү кечиктирилди. Белгилеп кетсек, түйүн аркылуу күнүнө 10 миң адам жана миңден ашык унаа өтөт.… Кененирээк…
Бишкектин мектеп жана бала бакчаларын толугу менен офлайн-режимге өткөрүү мөөнөтү жылдырылды. Ордо калаа мэриясынын маалыматына ылайык, бул эпидемиологиялык абалга байланыштуу. Эске салсак, буга чейин 1-февралдан тартып ордо калаадагы бардык класстын окуучулары салттуу режимде билим алаары айтылган. Бүгүнкү күндө бир гана 1, 5, 9 жана 11-класстын… Кененирээк…
