Кыргызстанда кичи ГЭСтердин курулушу уланууда. Энергетика министрлигинин маалыматы боюнча, жумуштар Баткен, Жалал-Абад, Ысык-Көл, Ош облустарында жүрүп жатат, ошондой эле Чүй жана Таласта ГЭСтерди куруу пландалууда. Белгилеп кетсек, гидроэлектростанцияларды куруу үчүн тиешелүү мыйзамдык база түзүлүп, инвесторлорго кандайдыр бир преференцияларды алууга мүмкүндүк берүүчү документтер кабыл алынган.
Кыргызстанда 12 менчик медициналык колледжде студенттердин практикасына шарттар түзүлгөн эмес. Бул тууралуу Саламаттык сактоо министрлигинен билдиришти. Ведомство талапка жооп бербеген медициналык окуу жайлар боюнча тиешелүү чечим кабыл алуу үчүн Билим берүү министрлигине кат жолдоду.
Ерлан Жаманкулов Жогорку Кеңештин төрагасы Талант Мамытовдун маалымат катчысы болуп дайындалды. Бул тууралуу парламенттин маалымат кызматы билдирди. Ерлан Жаманкулов мурда президенттин мамлекеттик резиденциясында иштеген. Андан тышкары 2016-2020-жылдары «Кулатуу эр таймаш» улуттук күрөшүнүн бүткүл дүйнөлүк федерациясынын басма сөз катчысы болуп эмгектенген.
Санариптик өнүктүрүү министрлиги “Идентификациялык карта – Кыргызстандын жаранынын 2017-жылдагы паспорту (ID-карта) жөнүндө” мыйзамга өзгөртүү киргизүүнү сунуштоодо. Учурдагы редакция жарандын электрондук кол тамгасы ID-карта чипинде болушу керек деген милдеттүү эрежени камтыйт. Болбосо ал адам паспорт албайт. Санариптик өнүктүрүү министрлиги бул пунктту алып салууну көздөөдө. Тиешелүү документ… Кененирээк…
Кыргызстандык балбан Жоламан Шаршенбеков Монголияда өтүп жаткан күрөш боюнча Азия чемпионатынын финалында күрөшөт. Дүйнөлүк күрөш уюмунун маалыматына караганда, ал бүгүн жарым финалдык таймашта казакстандык Ернур Фидахметовду 6:1 эсебинде жеңди. Алдыда алтын байге үчүн ирандык Мехди Сейфоллах Мохсен Нежад менен беттешет. Беттештер Бишкек убактысы боюнча саат… Кененирээк…
Ордо калаада күтүлүп жаткан жаан-чачынга байланыштуу “Бишкекжашылчарба” ишканасы унааларды дарактардын түбүнө токтотпоого чакырат. Кыргызгидрометтин маалыматы боюнча, борбордо абанын температурасы төмөндөп, жамгыр жаашы күтүлөт. Жамгыр дарак бутактарынын салмагына таасирин тийгизет. Мындан улам мэрия айдоочуларды жеке мүлкүнө зыян келтирбөө үчүн унааларын бак-дарактарга жана жеңил объектилердин жанына токтотпоону… Кененирээк…
“Түндүкэлектр” карыздарды эскерте турган тиркеме иштеп чыкты. Ишканадан такташкандай, тиркеме аркылуу колдонуучуга электр энергиясына карызы жөнүндө маалымат берилип, акчасын өз убагында төкпөгөн абонентке күн сайын эскертүү келип турат. Андан тышкары тиркемеде ар кандай кырдаалда свети өчүрүлө турган аймактардын тизмеси айтылып, акы төлөнүүчү кызматтар үчүн калькулятор,… Кененирээк…
“Барселона” Роберт Левандовскинин трансферине 35 миллион евро төлөөгө даяр. А бирок “Бавария” өз чабуулчусу үчүн көбүрөөк акча алгысы келип жатат. Немис клубу кийинки жылдын июнь айында келишим аяктагандан кийин, Левандовскини акысыз кое берет. Ага чейин эле форвард мюнхендик клуб менен жаңы келишимге кол койбосо.
Кыргызстан жана Казакстан чек ара аркылуу жүктү эркин өткөрүү боюнча макулдашты. Бул тууралуу биздин өлкөнүн министрлер кабинетинен билдиришти. Алсак, Казакстан товарды ЕАЭБ мамлекеттерине өткөрүүдө электрондук эсеп-фактура болсо, текшерүү-көзөмөлдөө иштерин жүргүзбөөгө макул болду. Ал эми кыргыз тарап электрондук коштоочу документтери жок фураларды өткөрбөөгө милдеттендирилди.… Кененирээк…
Марс планетасына учууга билеттин баасы болжол менен 100 миң долларды түзөт. Бул тууралуу SpaceX компаниясынын негиздөөчүсү Илон Маск жарыялады. Миллионер түшүндүргөндөй, кеп кызыл планетасына биротоло көчүп кетүү акысы тууралуу болуп жатат. Масктын айтымында, Марска учуу мүмкүнчүлүгү бардыгына жеткиликтүү болушу керек. Андыктан, АКШ өкмөтү… Кененирээк…
