10-апрелге карата дүйнө жүзүндө «Ухан вирусу» менен жабыркагандардын саны 1 миллион 596 миң 496 болду. Айыккандардын саны — 354 миң 6, каза болгондор — 95 миң 506.
Коронавирустун жайылуусу боюнча биринчи орунга чыккан АКШда 462 миң 135 жаран жабыркап жатат. Илдеттен 25 миң 410 жаран айыгып, ооруканадан чыгарылса, 16 миң 513 адам каза болду.
Испания вирусту жуктургандардын саны боюнча экинчи орунга чыкты. Анда бул өлкөнүн 153 миң 222 жараны вирусту жуктурганы аныкталды. 52 миң 165 жаран оорудан арылса, 15 миң 447 адам каза болду.
Ал эми Италияда вирусту жуктургандардын саны салыштырмалуу азайып, 10-апрелге карата жалпы 143 миң 626 адам ооруп жатат. Анын 28 миң 470и айыгып, ооруканадан чыгарылса, 18 миң 279 жаран вирустан көз жумду.
