Баткенде таза суу менен камсыздоо системасын калыбына келтирүү иштери жайдын аягына чейин жыйынтыкталат. Президент аппаратынан билдиришкендей, долбоору Европалык кайра калыбына келтирүү жана өнүктүрүү банкы ишке ашырып жатат.
Бүгүнкү күндө “Таза суу” муниципалдык ишканасынын имараты курулуп, техника жана жабдуулар сатылып алынып, канализациялык система салынууда. Долбоор толугу менен ишке ашырылса, Баткен облусунун таза суу менен камсыз болуусу 98 пайызга жетет.
