Бир мандаттуу Ленин округу боюнча Жогорку Кеңештин депутатын шайлоого 13 миллион 200 миң сом жумшалат. Бул тууралуу БШКнын бүгүнкү отурумунда жарыяланды. Комиссия мүчөлөрү анда кайра шайлоону 10-сентябрда өткөрүү чечимин кабыл алып, чыгымдардын сметасын бекитти.
Кайра шайлоонун чыгымдары азайтылды, алсак, 28-майда өткөн добуш берүүгө 18 миллион 800 миң сом сарпталган болчу.
Эске салсак, 16-июнда Боршайком шайлоонун жыйынтыгын жокко чыгарган. Лидерликке жеткен талапкер добуштарды сатып алууга шектелген.
