Быйыл «Эл үмүтү» стипендиясына 17 студент талапкер болууда. Учурда алардын тизмеси өкмөткө жөнөтүлгөнүн Билим берүү министрлиги билдирди.
Былтыр бул стипендияга тогуз студент тандалып, жалпы 30 миллион сомдон ашуун бөлүнгөн.
«Эл үмүтү» эл аралык стипендиясы дүйнөнүн алдыңкы 100 университетине өткөн 50 магистрант, докторантка берилет.
Бериле турган каражаттын көлөмү тандалып алынган окуу жайга жараша аныкталат жана жыл сайын 50 миң доллардан ашпоого тийиш.
