“Эл үмүтү” эл аралык стипендиясына документтерди кабыл алуу 30-майга чейин уланат. Бул тууралуу Билим берүү жана илим министрлиги эскертти.
Бул стипендия дүйнөнүн алдыңкы 100 университетине өткөн 50 магистрант, докторантка берилет. Акчанын көлөмү тандалып алынган университетке жараша аныкталары жана жыл сайын 50 миң доллардан ашпоого тийиш экени белгиленген.
Документке ылайык, техникалык жана инженердик багыттарга артыкчылык берилет. Экономика жана гуманитардык адистиктер боюнча да тапшырса болот.
