Дүйнөдө фуболчуларга эң көп акы төлөгөн клуб «Барселона».
Анын оюнчусунун жылдык орточо айлыгы 12 жарым миллион долларды түзөт.
Андан кийин мадриддик «Реал» клубу эсептелет. Ал бир оюнчуга жылына орточо
11 миллион доллардан ашык төлөйт. Үчүнчү орунда 10 миллион доллар менен
«Ювентус» клубу турат. Эскерте кетсек, «Барселона» командасы футбол боюнча
Испаниянын биринчилигинин тизмегинде 39 упай менен сап башында турат.
