Министрлер кабинетинин төрагасы Акылбек Жапаров италиялык “Breton S.p.A.” компаниясынын өкүлдөрү менен жолукту.
Өкмөттөн билдиришкендей, аталган компания Кыргызстанда алдыңкы технологияларды жана жабдууларды колдонуу менен курулуш материалдарын чыгаруучу биргелешкен ишкана түзүүнү көздөөдө. Тактап айтканда, ишкана цемент плиталарын, кварц негизиндеги плиталарды жана башкаларды чыгарат.
Акылбек Жапаров Министрлер кабинети инвесторлорго колдоо көрсөтүүгө даяр экенин белгилеп, өлкөдө өндүрүш үчүн чийки зат базасы боло турган кендер бар экенин кошумчалады.
