Эл аралык сынакта кыргызстандык педагогдор биринчи орунду багындырышты.
Бул тууралуу Билим берүү министрлигинин маалымат кызматы билдирет.
Ага Бишкектеги мектептердин мугалимдери Махамадхан Ишматов жана Юлия Костырева катышып,
алар 103 катышуучунун ичинен 69 упай топтоп, 1-орунга ээ болушту.
Сынак математика, физика жана информатика мугалимдери арасында өттү.
Эл аралык сынак мугалимдердин кесиптик жөндөмдөрүн өнүктүрүү үчүн
Казакстан мугалимдери ассоциациясы 2012-жылдан бери уюштуруп келет.
