“Камбар-Ата 1” ГЭСин куруунун баасы эки эсе кымбаттады.
Бул тууралуу министрлер кабинетинин башчысы Акылбек Жапаров билдирди.
Анын айтымында, 2014-жылы техникалык-экономикалык негиздеме боюнча курулуш иштери 3 миллиард долларга бааланган, бирок андан бери материалдар кыйла кымбаттады.
Чиновник белгилегендей, учурда ГЭСти курууга 6 миллиард долларга жакын каражат керектелет.
Мынчалык көлөмдөгү сумманы топтоо үчүн бир катар мыйзам долбоорлоруна өзгөртүү киргизүү зарыл, — деди өкмөт башчы.
