Кыргызстан Тажикстандын Ворух анклавын Баткен же Лейлек районунун башка аймактары менен алмашууга даяр.
Аймактын аянты 12 миң гектарга жакын, — деп билдирет Улуттук коопсуздук боюнча мамлекеттик комитетинин
төрөгасы Камчыбек Ташиев. Анын айтымында, Ворух анлавынын ордуна Кыргызстандын кайсы аймагы жарактуу деген
негиздеме Тажикстан тарапка берилген. Бирок азырынча коңшу мамлекеттен жооп келе элек.
Белгилеп кетсек, Кыргызстан менен Тажикстандын чек арасы — 970 чакырымды түзсө, анын 519 чакырымы гана такталган.
Калган аныкталбаган аймак талаштуу болуп келет.
