Кыргызстанда электр энергиясынын жаңы тарифтери ушул жылдын август айында кабыл алынышы мүмкүн. Бул тууралуу Энергетика жана өндүрүш министри Кубанычбек Турдубаев жарыялады.
Анын айтымында, тарифтер боюнча токтом долбоору коомдук талкууга чыгарылып, жарандардын сунуштары дагы эске алынат. Андан кийин өкмөт бир чечимге келет.
Министр белгилегендей, жаңы тарифтер учурдагы энергетикалык кризистен чыгууга жардам берет. Эске салсак, электр энергиясына болгон бааларды өзгөртүү сунушун президент Садыр Жапаров көтөрдү.
