Кышкы Олимпиада оюндары расмий түрдө жыйынтыкталды. Пекинде өткөн оюндарда спорттун 15 түрү боюнча 109 медалдын комплекти ойнотулду. Алтын медалдардын саны боюнча биринчи орунга Норвегия, экинчи орунга Германия чыкты, үчүнчү орунду Кытай ээледи.
АКШ бул жолу төртүнчү орунга чыкса, Россия тогузунчу гана орунда.
Кыргызстандан бул жолу бир гана спортчу Максим Гордеев лыжа тебүүнүн слалом түрү боюнча күчүн сынады. Кийинки Кышкы Олимпиада оюндары 2026-жылы Италияда өтөт.
