Лионель Месси 21-кылымдын эң мыкты оюнчусу аталды. “ELO” сайтынын маалыматында, аргентиналык форвард 100 упай менен биринчи орунда турат. Экинчиде Португалия курамасынын жана “Ювентустун” чабуулчусу Криштиану Роналду жайгашты.
Мыкты футболчулар үчилтигин франциялык Тьерри Анри жабат. Тизмеде ошондой эле Луис Суарес, Златан Ибрагимович, Гарри Кейн, Мохамед Салах, Неймар жана Роберт Левандовски бар.
