Жалал-Абад шаарында пневмония, коронавирусту дарылай турган жугуштуу оорулар бөлүмү ачылат.
Ошондой эле Көк-Жаңгак шаарындагы оорукана инфекциялык ооруканага айланат. Өкмөттүн облустагы
өкүлү Нурболот Мирзахмедов билдиргендей, жаңы мекеме 70 орунга ылайыкташып облустук клиникалык
оорукананын жугуштуу оорулар бөлүмүнүн филиалы болуп калат. Учрда анда шарттар түзүлүудө.
Бул максатта 400 миң сом бөлүнүп берилди. Жакынкы аралыкта анда бейтаптар кабыл алына баштайт.
