Жалпы республикалык тестирлөөгө каттоо эртең жыйынтыкталат. Билимди баалоо жана окутуу усулдары борборунан эскертишкендей, мектеп бүтүрүүчүлөрү эртең, 6-апрелге чейин ЖРТга каттала алат. Андан кийин олуттуу себептер менен каттоого жетишпей калгандар үчүн кошумча катталуу жүргүзүлөт.
Абитуриенттер www.testing.kg сайтынан онлайн түрүндө же салттуу форматта катталса болот. Белгилеп кетүүчү нерсе – жогорку окуу жайга өтүү үчүн жалпы республикалык тестирлөөнү тапшыруу милдеттүү.
