Жогорку Кеңеште мал жандыкка салык киргизүү сунушталды. Салыкты 40тан ашык кой-эчкиге, 3төн ашык ири мүйүздүү малга жана экиден ашык жылкыга ээ жарандар төлөйт.
Күтүлгөндөй, ар бир кой үчүн жылына 100 сомдон, ал эми ири мүйүздүү малга же жылкыга 250 сомдон алынат. Анын ортосунда бул мал ээлери жайыттарды колдонуу үчүн атайын төлөмдөн бошотулат.
Чогулган каражатты жергиликтүү бийликтин бюджетине которуп, ветеринарларды камсыздоо, малды өз убагында эмдөө, жайыттарды жакшыртуу жана башка ушул сыяктуу багыттарга жумшоо пландалууда. Мыйзам долбоору коомдук талкууга чыгарылды.
