АКШга грин-карт берүүнүн жаңы эрежелери бүгүнтөн тарта күчүнө кирет. Бул тууралуу РИА Новости жазды. Жаңы шарттар боюнча мамлекеттик жөлөк пул алуу максатын көздөгөн чет элдик жарандарга катуу талаптар коюлат.
Ички коопсуздук боюнча министрлиги дүйшөмбүдөн тарта жаңы мыйзамды аткарууга киришет. Ага ылайык, биздин коомго мүчө боло турган адам өзүн-өзү каржылай ала тургандай болушу керек, — деп айтылат Ак үйдүн расмий билдирүүсүндө. Мындай чечимди АКШ администрациясы өткөн жылдын аягында кабыл алган.
