Аксы районунун Кербен шаарындагы айланма жолдун курулуш качан аяктаары белгисиз.
Novosti.kgге район акими Замирбек Сыдыков билдиргендей, курулуш каражаттын айынан аягына чыкпай жатат.
Маалыматка ылайык, трассага 560 миллион сом керектелет.
Быйыл республикалык бюджеттен 2 миллион сом бөлүнгөн.
Бул жолдун курулушу жыйынтыкталса, жарандар жана оор жүк ташуучу унаалардын каттоосу үчүн ыңгайлуу шарт түзүлмөк.
Тагыраагы, Чаткал, Ала-Бука өңдүү кен казган компанияларга жетүү үчүн оор жүк ташыган унаалар район борборундагы жолдон өтпөй калат.
