Ала-Тоо аянтын жаңы жылга карата кооздоого 5 миллион сомдон ашык жумшалат. Мэриянын маалыматына ылайык, “Бишкексвет” муниципалдык ишканасы 5 миллион 687 миң сомго тендер жарыялады.
Каражат 25 метрлик башкы балатыны кооздоого жана Ала-Тоо аянтын майрамга карата жасалгалоого багытталат. Мэриядан белгилешкендей, эски оюнчуктарды жана светодиоддук лампаларды колдонуу дээрлик мүмкүн эмес.
