Барак эксклавынан көчүп чыккандар үчүн жаңы айылдын курулушу башталды. Президенттин маалымат кызматы кабарлагандай, Садыр Жапаров Ош облусуна жумушчу сапарынын алкагында Жаңы-Барак айылынын түптөлүшүнө капсула салды.
Планга ылайык, аталган жаңы айыл 38 гектар жерге курулат. Анын алкагында 164 жаранга үй куруу үчүн 8 сотыхтан жер тилкесин берүү, 101 жаңы үйдүн курулушу, ошондой эле жашы жеткен балдарга участок бөлүп берүү каралган.
Үйлөрдүн курулушун 31-августка чейин бүтүрүү пландалууда.
