Бийлик Ысык-Көл облусунун негизги көйгөйлөрүн чечүү үчүн Дүйнөлүк банк менен Азия өнүктүрүү банкынан насыя алат.
Бул тууралуу Жогорку Кеңештин Агрардык саясат боюнча комитетинин аймакта өткөн көчмө жыйынында белгилүү болду.
Маалыматка ылайык, Азия өнүктүрүү банкы 44 миллион долларга тазалоочу жайларды реконструкциялоо боюнча долбоорду даярдап жатат.
Анын курулушу кийинки жылы башталып, 2029-жылы бүтөт.
Ал эми Дүйнөлүк банк облуска 100 миллион доллар грант жана насыя бөлөт.
Каражаттын канчасы кредит түрүндө экени азырынча тактала элек.
