Бишкекке газ менен жүргөн 350 автобус жеткирилет. Бүгүн ордо калаа мэриясы жана өзбек компаниясы ортосунда кызматташуу боюнча меморандумга кол коюлду. Документке ылайык, ушул жыл ичинде шаардагы каттамдарга газ менен жүргөн экологиялык автобустар кое берилет.
Транспорттун биринчи партиясы 1-июнга чейин жеткирилет.
Мэриядан белгилешкендей, автобустардын узундугу 9, 10 жана 12 метрди түзүп, алар ден-соолугунун мүмкүнчүлүгү чектелген адамдар үчүн ыңгайлашкан болушу керек.
