Бишкек шаарынын 12-кичирайонунда мүмкүнчүлүгү чектелгендер жашаган жайда кичи тигүү ательеси ачылды.
Ателье Октябрь акимчилигинин жана Коргоо министрлигинин демилгеси, «Центр Ас-Сафа» коомдук бирикмеси жана «Авангард Билдинг» ЖЧК курулуш компаниясынын каржылык колдоосу менен ачылган.
Долбоордун максаты — үй-бүлөлөрдү өздөрүнүн оор турмуштук абалынан чыгуу үчүн активдүү кадамдарга үндөө, социалдык коргоо тутумунан жетиштүү көз карандысыздыкка жана коомго толук кандуу катышууга жана жаңы жумуш орундарын түзүүгө, үй-бүлөлөрдүн жашоо деңгээлин жогорулатууга түрткү берүү болуп саналат.
Администрация салтанаттуу түрдө ыраазычылык каттарын тапшырып, жаңы долбоорлорду ишке ашырууга даяр экендигин белгиледи.
