Бишкекте жасалма акча сатууга шектелген жаран кармалды.
Бул тууралуу Улуттук коопсуздук мамлекеттик кызматынан билдиришти.
Маалыматка караганда, 27 жаштагы жаран жасалма 10 миң 500 еврону
сатуу учурунда колго түштү. Аталган мыйзам бузуу жеке акча алмаштыруучу
жайдын кассири менен биргеликте ишке ашкан. Кармалган жаран УКМКнын
тергөө абагына киргизилди. Учурда ишке катыштыгы бар башка адамдарды
аныктоо боюнча тергөө иштери уланып жатат.
