Бишкектин айрым жерлеринде 3 күн газ болбойт. Бул тууралуу “Кыргызстан Газпром” ишканасы билдирди.
Маалыматка ылайык, 17-апрелден 19-апрелге чейин Бишкек шаарынын Садыгалиев-Волков дареги боюнча жайгашкан төмөнкү басымдагы газ өткөргүчкө кайрадан курулган газ өткөргүчтү кошуу боюнча оңдоо иштери жүргүзүлөт.
Буга байланыштуу Волков, Ден Сяопин, Патриса Лумумба, Владимировская көчөлөрүнүн кесилишкен аймагында жаратылыш газы өчүрүлөт.
“Кыргызстан Газпром” ишканасы түзүлгөн ыңгайсыздыктар үчүн кечирим сурайт жана абоненттерди аталган убакыт аралыгында энергиянын алтернативдүү булактарын колдонууну сунуштайт.
