Бишкектин көчөлөрүндөгү таяныч мамыларына уруксатсыз илинген жарнамалар тазаланууда. Бул тууралуу мэриядан билдиришти.
Белгиленгендей, мамыларды таза кармоо – бул эстетикалык гана маселе эмес, шаардын жалпы көрүнүшүн жакшыртуу аракетинин бир бөлүгү болуп саналат.
Муниципалитеттен белгилешкендей, дайыма тазалап, сырдап турганы менен мамыларда тынымсыз жаңы жарнамалар, жарыялар пайда болууда. Буга байланыштуу шаарды көрктөндүрүү эрежелерин сактоо сунушталат.
