Carcheck сервисиндеги маалыматтын бир бөлүгү акылуу болот. Буйруктун долбоорун “Унаа” мамлекеттик ишканасы жарыялады. Андан түшүндүрүшкөндөй, сервис маалымат базасын жаңыртууга жана техникалык колдоого муктаж.
Андыктан, унаанын рулунун жайгашуусу жөнүндө, транспорттун арестте же күрөөдө бар-жоктугу жана транспортко ээлик кылуу мезгили жөнүндө маалымат үчүн акча төлөш керек болот.
Тарифтер кандай боло турганы азырынча белгисиз. Ал эми унаанын мамлекеттик номери, үлгүсү, модели, чыккан жылы, кыймылдаткычынын көлөмү, айыптар, тонировкага уруксаттын бар-жоктугу боюнча маалыматтар акысыз берилет.
