Чет өлкөлүк жарандарга берилген миграциялык амнистиянын мөөнөтү жазда аяктайт.
Министрлер кабинетинин чечимине ылайык, чет өлкөлүк жарандарга жана жарандыгы
жок адамдарга карата колдонулган “жашыл коридордун” мөөнөтү 1-мартта соңуна чыгат.
Андан улам, аталган мөөнөткө чейин республика аймагында жүргөн чет өлкөлүк жарандарга жана
жарандыгы жокторго өлкө аймагынан чыгып кетүү же мыйзамдуу жүрүүгө документтерди
тактоо сунушталат. Мындай чаралар аба каттамдар, темир жол жана
транспорттук байланыштар жанданганына байланыштуу.
