Кайра өтө турган шайлоого катышууну каалагандардын саны көбөйүүдө.
БШКнын маалыматына караганда, Биринчи май жана Свердлов округдары боюнча
40 талапкерден билдирме түштү. Бир мандаттуу округ боюнча депутаттыкка
талапкерлерди көрсөтүү добуш берүүгө 30 күн калганда, тагыраагы, 27-январда аяктайт.
Ал эми депутаттыкка талапкерди каттоо үчүн документтер БШКга 30-январга чейин
берилиши керек. Эске салсак, 28-ноябрда өткөн Жогорку Кеңештин депутаттарын
шайлоодо аталган 2 округда баарына каршы графасы алдыга озуп кеткен.
Андан улам 27-февралга кайра шайлоо дайындалды.
