Кыргызстанда беш жогорку окуу жайга өзгөчө статус берилет.
Билим берүү министрлигинен такташкандай, мындай чечим Илим, инновациялар жана жаңы технологиялар боюнча кеңешинин кезектеги отурумунда кабыл алынды.
Ага ылайык, Кыргыз улуттук университети, мамлекеттик техникалык университет, агрардык академия, мамлекеттик медициналык академия, Ош мамлекеттик университетине өзгөчө статус берилет.
Ал эми Кыргыз экономикалык университетине «илимий изилдөө университети» макамы ыйгарылат.
Тагыраагы, ЖОЖдордо илимий изилдөөнү жүргүзүүгө өзгөчө басым жасалат.
