Кыргызстандын таэквондочулары таэквондо WT боюнча өспүрүмдөр жана кадеттер арасындагы Азия чемпионатында байгелүү орундарга ээ болушту. Бул тууралуу Маданият, маалымат, спорт жана жаштар саясаты министрлиги билдирет.
Чемпионат 2-8-сентябрь күндөрү Ливандын Бейрут шаарында өткөн. Ага 30 өлкөдөн 300гө жакын спортчу катышты.
Кыргызстандын таэквондочулары өлкөнүн тарыхында биринчи жолу беделдүү турнирдин жеңүүчүлөрү болушту. Алар: Абдулазим Абдурахимов 78 килограммдан жогорку категорияда коло медаль, Айзирек Курманбекова коло, ал эми Богдан Пягай күмүш медалдын ээси болду.
Аталган спортчулардын машыктыруучулары: Азим Таджибаев, Дмитрий Ли, Адилхан Абдрахимов жана Искендер Осмонов.
