Мектептерге электрондук кезек менен кабыл алуу системасы дагы 5 шаарда пайда болот. Алар – Ош, Жалал-Абад, Кызыл-Кыя, Кара-Балта жана Токмок, — деп билдиришти Билим берүү министрлигинен.
Долбоор 15-февралда старт алат. Балдары быйыл 1-класска бара турган ата-энелер mektep.edu.gov.kg порталында каттоодон өтүшү керек. Эске салсак, буга чейин электрондук кезек системасы Бишкекте кое берилген. Анын алкагында 19 миң бала мектепке кабыл алынды.
