Министрлер кабинети бир катар азык-түлүктүн кошумча нарк салыгын алып салууну сунуштады.
Токтом долбоору коомдук талкууга чыгарылды. Документте кант, өсүмдүк майы, тоок жумурткалары, арпа жана сулуну өлкөгө алып келүүдө жеңилдиктерди берүү каралды.
Импорттоочулар менчигинин түрүнө жана азык ташуунун максатына карабастан салыктан бошотулушу мүмкүн. Токтом кабыл алынса салык жеңилдиктери ушул жылдын аягына чейин күчүндө болот.
