Ооруп калып ишке чыкпаган кызматкерлердин диагнозун жазып берген маалымкатты эми онлайн алса болот.
Саламаттыкты сактоо министрлигинен билдиришкендей, ал үчүн Tunduk порталынан “Ден соолук” бөлүмүнө өтүп, “Убактылуу эмгекке жарамсыздык баракчасы” бөлүмүн тандоо керек. Дарыгерлер бейтаптын дарыланганы тууралуу маалыматты ошол жакка жайгаштырып коёт.
Андан тышкары, эмгекке жарамсыздык баракчалары жөнүндө маалымат Санариптик ден соолук профилинде да бар. Алар кагаз жүзүндө берилген баракча менен бирдей макамга ээ.
