Ошто үч мамлекеттик дарыкана ачылды. Бул тууралуу Novosti.kgге жергиликтүү мэриянын басма сөз кызматынан билдиришти.
Аптекаларда 800дөн ашык дары-дармектин түрү бар. Шаар тургундары препараттарды жеке дарыканаларга караганда 10-15% арзан сатып алса болот.
Эске салсак, Кыргызстандагы биринчи мамлекеттик дарыкана эки күн мурун Бишкекте ачылган. Мындай аптекаларды ачуунун алкагында калкты жеткиликтүү дары-дармек менен камсыз кылуу жана баа саясатын туруктуу кармоо максатталууда.
Жалпысынан өлкөдө 46 мамлекеттик аптека уюштурулат.
