Президент Сооронбай Жээнбеков абалды көзөмөлдөп жатканын жарыялады.
Ал саясий күчтөр өзүнүн кызыкчылыгын өлкөнүн кызыкчылыганан бийик коюп,
коомду бөлүп-жарууга жол бербейт деген ишенимде. Бул тууралуу өлкө башчынын
басма сөз кызматынан билдиришти. Андан белгилешкендей, Жээнбеков, бардык
күчүн өлкөдө тынчтыкты камсыздоого багыттайт. Алгач, парламенттик шайлоонун
жыйынтыгын карап чыгуу маселеси каралат. Учурдагы кардаалга байланыштуу
өлкө башчы БШКга материалдарды текшерип чыгып, жыйынтыгын
жокко чыгарууга чейинки чараларды көрүүнү сунуштады.
