Бишкек шаарынын мэринин мурдагы орун басары Азиз Алымкуловго 260 миң сом акчалай айып салынды. Бул тууралуу баш калаанын Биринчи май райондук соту билдирди.
Чечим 26-майда чыккан. Сот аны кылмыш жасаган деп тапкан. Вице-мэр жана УКМКнын Бишкек боюнча башкармалыгынын райондук бөлүмүнүн башчысы кармалып, камакка алынды.
Мурдагы вице-мэр менен УКМК кызматкери мыйзамсыз байыган жана Бишкектеги кымбат баалуу жер тилкелерди колдонууга берүүдө коррупциялык ишке барган деген шек менен кармалган.
Тергөөнүн версиясы боюнча, жогорку кызматтагы адамдар дагы башка кызматтагылар менен сүйлөшүп алып Бишкек шаарынын мэриясында иштегендерге басым жасаган. Алар жер участокторун тааныш адамдарына каттатууга аракет кылышкан.
