Токмок шаарындагы жеке аэродромдо окуу-машыгуу учагы кулап түштү. Бул маалыматты «Кабар» агенттигине Чүй облустук ички иштер башкы башкармалыгынан тастыкташты.
Ведомствонун маалыматына караганда, жабыркагандар жана каза болгондор жок.
Иштин материалдарын транспорт прокуратурасы карап жатат.
Өзгөчө кырдаалдар министрлиги окуя боюнча эч кандай маалымат түшө электигин билдирди.
