Венгриянын Кыргызстандагы элчилиги Европанын 6 өлкөсүнө виза бере баштайт.
Бул тууралуу Тышкы иштер министри Руслан Казакбаев аталган өлкөнүн тышкы иштер министри
Петер Сийярто менен болгон жолугушууда билдирди. Анын айтымында, быйыл сентябрдан
тартып жарандарга Испания, Италия, Австрия, Чехия, Польша жана Словакияга дипломатиялык
өкүлчүлүктөн виза алуу мүмкүн болот. Министр белгилегендей, андан тышкары эки өлкө
өкүлдөрү ортосунда Кыргызстандын Венгриядагы элчилигин ачуу макулдашылды.
