Өзгөчө кырдаалдар министрлигине табигый кырсыктарга каршы күрөшүү үчүн атайын техника тапшырылды. Ведомствого жаңы тик учак, автобустар, экскаваторлор, жүктөгүчтөр, жол тандабастар жана 150 чатыр үй берилди.
Өлкө көз карандысыздыкты алгандан бери алгачкы ирет техника республикалык бюджеттин эсебинен алынды. Жыл аягына чейин дагы бир вертолет сатып алуу пландалууда.
Азиялык өнүктүрүү банкынын каржылоосу менен министрлик дагы 10 жол тандабас, кичи автобустарды жана 11 даана инженердик техника алуу ниетинде.
