Жогорку Кеңешке аттанган партиялар талапкерлеринин тизмесин тактап, бүгүн кечкиге чейин аны БШКга тапшырышы керек.
4-сентябрда 1 айлык үгүт кампаниясы старт алат. Парламенттик шайлоолор 4-октябрга белгиленген.
Расмий маалыматка ылайык, 20дан ашык партия жыйын өткөрүп, документтерин Боршайкомго өткөрүп берди. Жогорку Кеңешке ат салышууга алгач 44 партия ниетин билдирип, айрымдары ар түрдүү себептерден улам жарыштан чыкты. Кыргызстанда 120 орундуу парламентке депутаттар партиялык система менен беш жылда бир шайланат.
