Бишкекте бүгүн күрөштүн үч түрү боюнча лицензиялык турнир старт алат. Спорт департаментинен билдиришкендей, мелдештерге 20 мамлекеттин спортулары катышат, анын ичинде Кыргызстан, Казакстан, Өзбекстан, Япония, Кытай, Индия, Катар жана башкалар бар. Жеңишке жеткендер Парижде жайында өтө турган Олимпиада оюндарына жолдомо алышат.
Ысык-Көл облусунун Ак-Суу районунда жаңы бала бакча пайда болот. 100 орундуу мектепке чейинки билим берүү мекемеси Курбу айылында жайгашат. Тендерди жергиликтүү курулуш башкармалыгы жарыялады. Долбоордун сметалык наркы 86 миллион 650 миң сомду түзөт.
Амстердамда овертуризм же туристтердин ашыра көп болушу менен күрөш башталды. Шаарда эми жаңы мейманканаларды курууга уруксат берилбейт. Бир гана эски конок үйү жабылып калса уруксат берилет. Бийликтен белгилешкендей, Амстердам калаасы биринчи керекте жашоо үчүн ыңгайлуу болушу керек жана туристтер үчүн түзүлгөн шарттар жергиликтүү тургундарга… Кененирээк…
Эртең, 20-апрелден тарта карызы көбөйүп кеткен абоненттерге газ берүү токтотулат. Бул тууралуу “Газпром Кыргызстан” ишканасынын басма-сөз кызматы кабарлады. Маалыматка ылайык, газ аралыктан өчүрүлөт. Көгүлтүр от үчүн канча төлөө керектиги жөнүндө маалыматты 4444 кыска номери аркылуу жана gazprom.kg сайтынан билип алса болот.
Жалал-Абад облусунун Сузак районунда логистикалык борбор ачылды. Заманбап соода логистикалык борбор 1 миң 100 тонна азык-түлүк продукциясын сактоого, таңгактоого, тазалоого ылайыкталган. Ал толук кандуу ишке кирген соң 200 жаңы жумуш орду түзүлөт.
Суу ресурстары кызматына 2024-жылы 7,3 млрд сом бөлүү каралган. Бул тууралуу Финансы министрлигинен билдиришти. Маалыматка ылайык, анын ичинде: мамлекеттик инвестициялар — 3 589,3 млн сом; атайын каражаттар — 126,7 млн сом; бюджеттик каражаттар — 3 614,8 млн сом. Мындан тышкары, 2024-жылга республикалык бюджеттин «Капиталдык… Кененирээк…
Өзгөчө кырдаалдар министрлигинин суучулдары тарабынан Ысык-Көлдү таштандылардан жана балык уулоочу торлордон тазалоо иши жигердүү уланууда. ӨКМден билдиришкендей, суучулдар учурда Ысык-Көлдүн Каракол булуңундагы көлдүн аянтын тазалап, 26-марттан баштап 17-апрелге чейин 2,5 тонна таштанды, 18 миң 900 метр балык уулоочу тор чыгарышты. Белгилей кетсек Ысык-Көлдү… Кененирээк…
Кыргыз улуттук «Манас» театрынын жаңы корпусунун имараты ачылды. Театр 2021-жылдын сентябрында «Манас» эпосун, ошондой эле чакан эпосторду жана манасчылардын, дастанчылардын чыгармачылыгын сактоо, жайылтуу жана илгерилетүү максатында түзүлгөн. Президенттин Жарлыгы менен 2022-жылы театрга улуттук макамы берилген. Жаңы театрдын имаратынын курулушу 2022-жылы жайында башталган. Эки кабаттуу… Кененирээк…
Президент Садыр Жапаров Казакстанга расмий сапар менен барды. Президентти Казакстандын мамлекет башчысы Касым-Жомарт Токаев өзү тосуп алды. Сапардын алкагында президент Казакстандын башчысы менен сүйлөшүүлөрдү жүргүзүп, эки өлкөнүн Жогорку мамлекеттер аралык кеңешинин VI жыйынына катышат. Ошондой эле Жапаров менен Токаевдин катышуусунда Астананын борбордук көчөлөрүнүн биринде Манастын… Кененирээк…
Төкмө акын Элмирбек Иманалиевге көзү өткөндөн кийин “Эмгек Баатыры” артыкчылык даражасы тапшырылды. Президент Садыр Жапаров Кыргыз улуттук “Манас” театрынын жаңы имаратынын ачылышында “Манас” эпосун сактоого, айтуучулук өнөрүн жана төкмө чыгармачылыгын илгерилетүүгө кошкон чоң салымы үчүн Кыргыз Республикасынын мамлекеттик сыйлыктарын тапшырды. Ага ылайык, манасчы Рысбай Исаковго… Кененирээк…
