АКШда 104 жаштагы карыя коронавирустан айыкты. Бул тууралуу чет элдик маалымат каражаттары жазып чыкты.
Маалыматка ылайык, Орегон штатынын жашоочусу, Экинчи дүйнөлүк согуштун ардагери Билл Лапсчис азыркы тапта коронавирусту жеңген эң улуу адам. Ал өзүнүн туулган күнүн, тактап айтканда, 104 жашын 30-мартта белгилеген.
Лапсчис Лебон шаарындагы согуш ардагерлери үчүн арналган карылар үйүндөгү коронавирус жуктуруп алган 15 адамдын бирөөсү болгон. Алардын ичинен 2 карыя көз жумган.
