Улуу Британиянын өкмөтү өлкөдө спорттук иш-чараларды (анын ичинде Англия Премьер-Лигасы) 1-июндан баштап жандандырууга уруксат берди. Бул тууралуу чет элдик басылмалар жазып чыгышты.
Бирок күйөрмандарга стадионго кирүүгө тыюу салынат. Коронавирус инфекциясына каршы вакцина табылгандан кийин көрүүчүлөр стадионго кайтып келе алышат деп болжолдонууда.
Маалыматка ылайык, 13-мартта Англияда коронавирус инфекциясы күчөп жаткандыгына байланыштуу футбол оюндары убактылуу токтогон. Премьер-Лиганын жетекчилери калган 92 оюнду бир нече стадиондо көрүүчүлөрсүз өткөрүү мүмкүнчүлүгүн карап чыгышты.
12-майга карата Англияда 224 миң 332 адамдан вирус аныкталды. 32 миң 141 жаран каза болсо, 1 миң 15 бейтап айыгып чыкты.
